2014年6月26日 星期四

U can cook!自家制 ⊚⃝⸜(ू•͈౿•͈๑)ˉ̞̭ 斑蘭椰汁千層糕

嘻嘻~ 上面嘅斑蘭椰汁糕靚麻~

以為喺米豬連餐廳買?No no no...係自家制架! 
因為我廚藝唔叻,但又想喺廚房搗蛋,所以媽咪就搵左joyce個甜品食譜比我玩,其實係佢自己鐘意食糕點 ⁽⁽٩(๑˃̶͈̀▽ ˂̶͈́)۶⁾⁾


㐃 睇下D材料先,我只係買左6樣野咋!

木薯粉        200g
粘米粉        29g  
椰漿            200g
砂糖            150g
水                200g
斑蘭香油     少許



呢個甜品係BB班,非常容易整,我每個step都影左相,跟住做就成功架喇!
Let's start (⑅˃◡˂⑅)

㐃 用椰漿加水將砂糖以中慢火煮至溶解,拌勻後放涼。


㐃 之後將木薯粉和粘米粉過篩。


㐃 將兩種粉拌入椰糖水中攪勻,再用篩隔去粉粒。


㐃  粉漿分為兩份, 比例是6:4,多的一份粉漿中加入斑蘭香油,攪攪下就變成好靚既綠色喇~


㐃 先倒一層斑蘭粉漿入已預熱的模內蒸3分鐘,跟住倒白色粉漿蒸2-3分鐘,將兩種粉漿重複交替至用完,最後一層蒸15分鐘,等糕放涼後脫膜就完成。
(倒粉漿次序無所謂架)



㐃 斑蘭椰汁千層糕真係超易整呢~ 
因為蒸嘅過程好快,事前功夫又唔多,我唔洗一個鐘就整好兩底喇 (16個)!最重要係.....唔係洗咁多杯杯碟碟呀...yeah~

味道同出面食果D差唔多呢,唔會好甜 (愛甜朋友可以自行調節啦),椰汁同斑蘭係絕配,口感軟熟QQ,如果有心機嘅廚神可以用鮮斑蘭葉整汁,仲可以分多幾層去蒸做出千層呀。


呢個甜品最緊要係D粉嘅比例,比例唔啱就會太硬,似啫喱糖喇!


蒸好放涼後放入保鮮盒,續層用保鮮紙封好,D糕唔好吹風就可以keep住軟熟煙un;可放在室溫一至兩天,但唔好放進雪櫃,會變硬架,可以食前隔水蒸5分鐘就會軟熟返架。


最後送上第二次用熊仔模整嘅斑蘭椰汁糕,上面淺色係用椰汁做底,但出黎嘅效果就唔太靚(好似粒玉石,哈哈!)



希望大家喜歡Smaller的分享吧~
♡ Ⓣ⃞ⓗ⃞ⓐ⃞ⓝ⃞ⓚ⃞ (˘͈ ᵕ ॣ˘͈) Ⓨ⃞ⓞ⃞ⓤ ♡


歡迎邀約合作試用、出席活動



SmallerYip's little things

Qooza uBeauty
Ellehk


免責聲明是次產品/產品資料由 品牌 提供本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

沒有留言:

張貼留言