Hello~ 今次又係分享簡易甜點教學喲~
上次斑蘭椰汁千層糕成功嗎?係咪好易整呢!
今次整香軟糯米滋都屬BB班架,一D都唔難架!
㐃 糯米滋入面嘅餡可以用豆沙、芒果、芝麻、朱古力、香芋、榴槤,隨你個人口味啦,上面係紅豆味。
所需材料:
糯米粉
糖
椰漿
熟粉
水
餡料
咁少材料?係呀!就係咁簡單,成本幾十蚊咋!
㐃 先放熱水溶左D糖
㐃 準備將糯米粉過箍,等佢幼滑D。
㐃 糖水放涼後,加入椰漿,再加入糯米粉,搞勻再過X倒入微波爐碟。
無錯喇!呢個甜品係唔洗開火煮架!
叮叮4分鐘高火就搞掂!
㐃 準備定餡料,今次我用榴槤丫╰(´ิ∀´ิ)╯
放石油氣呀~唔食嘅快D行埋一邊 XD
右邊係熟粉,將生粉用白鑊炒一炒。
先將碟上舊麵糰用保鮮紙包住唔好吹風。
舖保鮮紙墪底,用一個匙份量嘅麵糰將佢壓平,中間放入餡料,包成一個圓圓嘅球型。
灑D熟粉喺面,等佢唔會黏手。
㐃 D糯米麵糰好黏,最巧功夫係包餡料靚靚唔會流出黎!
糯米滋超軟熟,口感煙韌,夾住流沙嘅榴槤X料,實在好好味!
之前做過紅豆餡料都一樣咁正,小朋友就鐘意食芒果餡。
放入雪櫃會變硬左,食之前解凍一陣就變番軟熟架喇~
Ⓣⓗⓐⓝⓚ。:.゚ヽ(。◕‿◕。)ノ゚.:。+゚ Ⓨⓞⓤ☆
♥歡迎邀約合作試用、出席活動♥
SmallerYip's little things
Mail : smalleryip@hotmail.com
沒有留言:
張貼留言