2014年9月14日 星期日

最強「打己冷」 百樂潮洲之夜

嘿嘿!又黎出食文,又想引下大家喇!


係咪做野做到眼琼琼?好想出去抖抖先?不如望梅之渴先啦~
講起食就最醒神,今次就去左食潮洲野!

㐃 白樂潮洲酒樓稱得上香港馳名老字號,開業48年,係香港少有嘅正宗潮菜。

㐃 食潮菜,潮洲功夫茶點少得!茶濃帶甘,有醒胃解膩之用。

㐃 先來兩款涼菜:涼伴魚皮 HKD$48、秘製生醃螄蚶 HKD$48
兩款涼菜有蒜頭、辣椒,非常野味。第一次吃螄蚶,這款貝殼係好鮮味嘅東西,比小蜆仲要鮮甜,不過本身有D血色嘅水就唔係人人接受到喇!

㐃 正宗潮菜主打當然係潮洲凍蟹!橙紅色兩隻大蟹真係好有派頭!
平時真係好少叫,因為貴囉,閒閒地都成千蚊隻!


㐃 整個close up,見到D白雪雪蟹肉嗎?對眼仲好精靈!
整潮洲凍蟹一定要揀新鮮大大大蟹,食果時一梳梳大大啖蟹肉先夠爽YY!



㐃 Wow~你睇!蟹箝大過隻匙羹呢!蟹蓋入面超多糕,又甘又甜,我唔客氣喇!



㐃 滷水豬蹄筋 HKD$88 ,豐富膠原呀,好淋好入味,一定要食多兩舊﹗

㐃 潮菜點少得鹵水丫!一碟雜錦鹵水,真係試得出師傅嘅鹵功呀!潮州滷水拼盤  $350
㐃 估下呢碟一舊舊係乜?鵝干黎架!滷水鵝肝 HKD$120
法國香煎鵝干食得多,今次試到滷水鵝肝 ,啖啖膽固醇,好彩多人一齊分享!

㐃 潮陽炸雙棗 (8粒) HKD$104,咬左一啖見到有鮮蟹肉,細細粒夠脆口,呢個時候送啤酒最正!
今晚唔飲生力喜力,試下呢支德國豬啤!Keiler Beet - Wheat HKD$38
開樽位夠型仔,呢支豬啤送脆口野一流,非常易入口架,女仔都飲到,朋友仲話飲到香蕉味,哈!


最後仲有豉油皇煎倉魚球 HKD$208同沙爹牛肉炒芥蘭 HKD$98,
特別要食魚,做到外脆內軟,入面仲流有魚汁呢!
㐃 香煎蠔仔烙 HKD$196,正宗蠔烙做法係煎唔係炸,用鴨蛋加上超多蠔,估計比出面食度既多一倍丫!
㐃方魚肉碎粥一窩 HKD$96HKD$96、潮州蠔仔粥一窩 HKD$110,足料之餘,用料新鮮!湯底鮮甜,大滿足!
㐃 雖然口講飽飽,但甜品絕對對第二個胃,見到咁晶瑩剔透嘅水晶飽,我又開胃喇,奶黃甜度剛好,水晶皮軟滑!鴛鴦水晶包 HKD$42

㐃 潮式甜品之一福果甜芋泥 HKD$35,聽講會用豬油撈先夠香!
㐃 呢個反砂芋條 HKD$98,係屬手功之作,師傅要將D糖係咁炒至黏脆,非常講功力,一般屋企都好難做到糖脆芋軟!絕對係今餐完美嘅ending!

沒有留言:

張貼留言