2014年10月31日 星期五

係咪真有胎盤素成份? Dr. Bauer 活研生肌胎盤肌底液

Dr. Bauer一向以家用RF射頻美容儀為主打,仲記得早年推出嘅神級童顏機 (由關之琳代言),外型成部電話咁,仲要幾千蚊部,但都好賣得下架!  我都有用過,暖暖地碌幾碌,好鬼舒服。最近見佢地轉左代言,由吳雨霏頂上,sell下D 細細件既美容儀,吸納多D後生客仔。


真係唔講唔知,原來Dr. Bauer都推出保養系列,但我係官網呢就唔見又介紹喎 (如果大家見到就話聲我知啦~)


今次想講下呢隻Dr. Bauer - 活研生肌胎盤肌底液
佢叫做「肌底液」,咁即係而家好興嘅精華前用嘅護膚品。
望下個名先,有「胎盤」二字喎,好似好名貴喎。
再睇下個價錢,八百幾蚊,120ml,$6.65/ml,中價產品。
pic
嘩嘩嘩~ 呢支咁金光閃閃就係Dr. Bauer活研生肌胎盤肌底液 (Skin Placenta rHPP-11 Regenerate Pre Essence),土豪者應該幾like佢嘅包裝!
pic 
除左外型土豪金外,拎上手好似金像獎咁,係...我無講錯,厚膠+金屬,非常重手,但......細看份量只得120ml,我諗唔到咁大舊點可以環保D循環再用 (個樽好似係密封設計),點解要包裝成咁????
pic 
講下內裡主要成份,據非官網介紹,此產品含﹕rHPP-11、乳木果精華、卵磷脂。
第一次聽「rHPP-11」,上網再查,所有關於rHPP-11係同Dr. Bauer呢隻活研生肌胎盤肌底液有關,最後喺一篇美容稿見到咁寫: 「Dr. Bauer獨家與韓國生命科學研究所合作,透過科研成功仿製胎盤素之核心成分中最有效的11種成分,製成嶄新胎盤美肌專利成分 rHPP-11™,其胎盤營養液能快速滲透肌底,提升肌膚的營養吸收力,為後續護膚程序打好基礎!底液除蘊含專利成分rHPP-11™,還有多種草本保濕成分,能激活肌底膠原蛋白,提高表皮水分循環,喚醒沉悶老化肌質。」,哦......咁即係活研生肌胎盤肌底液係有冇胎盤成份在內?? 迷思中......
pic
對於個專利仍半信半疑,唔埋咁多,打開黎用下先!
肌底液屬透明顏色,質感少許黏黏地。
先做手背測試,用上一泵分量,以打圈方法直至肌底液完全吸收。肌底液帶微香。
按摩左大概一分鐘,肌底液先完全吸收,感覺手背有少許油油地笠笠地。


pic 
輪到臉部測試,一樣用一泵分量係臉上,按左1分鐘左右,無出現紅腫痕呢d過敏反應。
按摩完成,肌底液好似一層薄薄黏膜咁,感覺小臉開始油淋淋。
pic 
小評﹕試用新品點都要望下個中成份,未知道「rHPP-11」係攞左邊樣專利 (官網未有清楚資料),對於當中胎盤成份同功效都半信半疑。


雖然用後無出現敏感情況,但呢支肌底液仲笠過精華,小妹膚質屬混合性,平日用開Lancome Genifique ($890/50ml)同Shiseido ultimune ($860/50ml)呢兩支肌底液都係好易吸收,um....所以呢支Dr. Bauer活研生肌胎盤肌底液就唔太適合我喇,可能乾爆肌膚嘅人會啱D啦,所以講唔到用左係咪真係改善肌膚同起死回生既效果~


另外,想講講,包裝實在太浮誇,又重又大件,坦白講,好鬼阻定,希望生產商都可以考慮平衡下靚靚既包裝同實用性啦。


分享住咁多啦~
P.S. 補充一句,此文乃小妹之用後感,產品效果因人而異。




Ⓣⓗⓐⓝⓚ。:.゚ヽ(。◕‿◕。)ノ゚.:。+゚ Ⓨⓞⓤ☆


歡迎邀約合作試用、出席活動
 
SmallerYip's little things

Qooza uBeauty
Ellehk


是次產品/產品資料由 品牌 提供本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。















2014年10月28日 星期二

MINA x KATE ☆ 閃耀美妝分享會


大地色系永遠最易入手亦是我的至愛!
上星期參加了MINA X KATE的閃耀美妝分享會,大會邀請了星級化妝師Gary Chung即席示範化妝技巧及運用KATE新品打造攝人3D立體輪廓!


KATE於2014 A/W最新推出系列。
今次活動由MINA雜誌及KATE聯同舉辦,wow~博客與讀者們也很雀躍啊!


是晚活動請了星級化妝師Gary Chung與大家分享今個秋季美妝潮流及以KATE妝品打造攝人3D立體輪廓!



整個妝容很華麗,Gary Chung用KATE新品3D棕影立體眼影盒替model打造一個深䆳大眼妝,model輪廓頓時變得分明,華麗感倍增!

眼看手沒動又如何掌握技巧呢!大會安排美妝大比拼,以KATE最新推出美妝產品為自己打造華麗妝容!

先介紹今季KATE的新品 (產品資料由官網提供)
全新KATE雙色『深瞳調色眼影盒』,全系列6色,3色眼影,由淺至深提升眼窩立體感,加上陰影粉可以「雕塑輪廓」,不論鼻影或面部陰影都可以用來打造,獨特「視覺立影粉」配方,簡單締造自然輪廓,凸顯立體感!

KATE最新推出嘅『流光潤彩唇膏』,全系列共10種顏色,高顯色度,柔滑滋潤,輕易打造亮澤水潤的豐盈翹唇!


『雙色粉狀胭脂』,一深一淺的色調可以用作胭脂,更可以用來修飾妝容!

全新KATE『進化版極限魅惑雙用眼線筆』一支可以暈染眼影同勾畫細緻眼線。
雙頭設計一邊是眼影粉,可以打造暈染漸層嘅立體效果,另一邊是平筆型眼線刷,任意塑造粗細眼線!


今次就試上全套KATE的新品吧!


選了BR-6的啡色大地tone,一盒有4色的眼影盒很方便啊!
先以#1最淺的珠光米白色打底,再以#2淺啡色在眼窩輕掃,較深啡的#3用在雙眼皮上,再用最右邊的視覺立體粉掃少許在眼頭,這樣層層漸變的,就輕易打造自然立體效果!

要化大眼妝,不少得這兩支好幫手,一支有齊眼缐液及立體光影筆,有留意日妝潮流的話,一定要在眼肚臥蠶加上光影,雙眼立即炯炯有神!

試了KATE新出的流光潤彩唇膏,很喜歡PK-2的甜美桃紅色,如絲般細滑,不塗潤唇膏打底也ok!
跟著老師的指導,一個3D立體輪廓美妝簡單地完成喲!
最後當然要與Gary老師來個合照吧!

謝謝MINA及KATE的邀請和小禮物啊!



Ⓣⓗⓐⓝⓚ。:.゚ヽ(。◕‿◕。)ノ゚.:。+゚ Ⓨⓞⓤ☆
歡迎邀約合作試用、出席活動
 
SmallerYip's little things

Qooza uBeauty
Ellehk


是次產品/產品資料由 品牌 提供本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。







速試 ● b.liv glow & glory 光彩熠熠生物面膜


一到九、十月,對肌膚主力的保養必定是保濕、保濕再保濕!
在前幾篇分享了去角質及超保水精華,今次輪到面膜喇!
今次試用專業護膚品牌b.liv推出最新2014秋冬季的glow & glory光彩熠熠生物面膜 ($270/3片)


今次是第一次接觸b.liv品牌啊,聽說它的去黑頭產品很受歡迎!
b.liv是台灣出品,每片面膜含25ml精華。
2014新品glow & glory光彩熠熠生物納米級生物纖維面膜100%由木醋桿菌培育而來,能為肌膚注入數量驚人的活膚因子,極速喚醒沉睡肌膚。
精華是黏黏的啫喱,跟我平時用開的不同呢,當中的活性成分包括南極海醣蛋白萃取液、蘋果萃取及熊果素能有效改善黑色素的形成,讓肌膚重現水潤亮澤,達至美白亮膚,煥彩新生的感覺。
面膜有3層,中間才是生物面膜啊!
生物面膜跟一般紙面膜不同,質感是滑滑的,有點膠膠地,哈!

看到吧!生物面膜好貼好薄呢!

我最喜歡生物面膜比其他面膜更貼面,而且亦不會極速乾透,不過若鼻翼位做得小點就更加好了。

敷上15分鐘後可以撕下面膜,精華都100%被肌膚吸收了,加點按摩更加好啊!仔細看看肌膚像飲飽水,膚色不是突然變白,但看上去沒有那麼暗啞。
用後不用洗臉,沒有黏笠感,塗上精華面霜可以睡覺去^^y

品牌資料:
信•美肌(b.liv) 是施妮(Cellnique)旗下品牌之一。施妮於10 多年前以提供沙龍醫事護膚產品起家,擁有豐富的美容醫學經驗及心得, 由於研發重點一直鎖定問題肌膚保養, 使得施妮短短幾年就成為問題肌膚的醫療專家。 
More info: www.cellnique.com


Ⓣⓗⓐⓝⓚ。:.゚ヽ(。◕‿◕。)ノ゚.:。+゚ Ⓨⓞⓤ☆
歡迎邀約合作試用、出席活動
 
SmallerYip's little things

Qooza uBeauty
Ellehk


是次產品/產品資料由 品牌 提供本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。









2014年10月27日 星期一

【我要做淑女】 莎莎 x iTrial 馬場銀袋日造型課

就快到一年一度觸目盛事「莎莎婦女銀袋日」,上年Smaller都有出席呀,今年好榮幸又再度參加!
(上年的分享文:http://goo.gl/Vg25lS)
每年「莎莎婦女銀袋日」也貫徹英式華麗打扮,今年也不例外啊,還未想到如何配襯造型的你,來看看今次我的馬場造型分享吧!
謝謝iTrial!很開心能與各位靚人一同參加今年「莎莎婦女銀袋日」,齊齊做淑女!

先講講「莎莎婦女銀袋日」的來由吧,「婦女銀袋日」始於1863年,至今已有一百多年的歷史,是香港歷史最悠久的賽馬錦標之一。自2005年開始,「莎莎」就一直贊助婦女銀袋賽馬日,該項盛事廣受女士們歡迎,「婦女銀袋日」亦被稱為「莎莎婦女銀袋日」,每逢婦女銀袋賽舉行時,城中名媛淑女無不悉心打扮、盛裝出席,而禮帽打扮就是英式淑女打扮之一!

要做個淑女(定扮淑女呢?),要內外兼備,內在美仍雖努力,還是打造好外在美先啦~


2014-2015妝容主打繼續以大地色為主調,利用有層次的棕啡色和假眼睫毛來打造深邃大眼妝;整個妝容focus在日長期眼部,唇部方面則以淡粉紅和淡橙色為主。
由莎莎化妝師為大家step by step示範。
妝容主要是突出輪廓和打造炯炯有神的眼妝,很自然很美呢!

至於衣服配襯,大會請了著名時裝設計師Chloe Mak與大家分享2014-2015的最新潮流!


Flora paint是今年大熱印花,不少外國designers也用到各式印花圖案。
帽子設計會流行較誇張和玩味的造型呢!
Stylist Chloe亦即場替各位選擇合適自己的禮帽,當天我穿了一件白色Lace上衣和泥黃色裙子,Chloe見我樣子和打扮屬斯文型,她選了這頂寶藍色花花禮帽,很高貴易襯,我非常喜歡!
選好了禮帽,當然要梳個配襯得宜的髮型吧!專業髮型師Jay為大家示範幾個配襯禮帽的髮髻。


看到Jay的兩三下手勢,就將長長的秀髮捒起,看似簡單,但未知我能否做到呢?

另一個進階版要用鬢辮,看上去多些層次感,襯上禮帽很好看呀!

輪到大家動手為自己弄髮髺喇!
看來我都算成功學到呀!
嘻嘻~大會準備了數十款禮帽,大家喜歡那款呢?
很期待11月9日於沙田馬場的「莎莎婦女銀袋日」,當天有不少場內活動和紀念品派發,我已約了好友一同出席美麗盛會喇,到時見!


Ⓣⓗⓐⓝⓚ。:.゚ヽ(。◕‿◕。)ノ゚.:。+゚ Ⓨⓞⓤ☆
歡迎邀約合作試用、出席活動
 
SmallerYip's little things




Qooza uBeauty
Ellehk


是次產品/產品資料由 品牌 提供本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。