Agnis b cafe 忙𥚃偷閑好地方

星期一moody Monday放假抖一抖，行下無咁多人嘅銅鑼灣，未食lunch，隨心行到世貿搵間cafe坐下。

原來1/F agnis b shop隔離有間agnis b cafe，接近1點見入面冇乜人，行去睇到有weekday set lunch就試下啦！

難得放平日，叫個Set lunch慢慢坐。

$69 set lunch有3款包選擇，火雞、三文魚同素菜，加任選咖啡或茶，再加$30可以揀埋甜品，平時單點杯咖啡都要40幾蚊，咁個set都幾抵！

點左火雞煙肉包，焗番熱幾好味，面包係意大利包，好鬆軟！加埋杯焦糖雲利拿latte，真係好正！

甜品可以響個櫃入面任選，我揀左大大件嘅栗子蛋糕！

栗子蓉好rich，入面係一層層蛋糕，底層係杏仁餅底，呢個lunch好滿足！

餐廳響世貿入面，都幾開陽下，我坐到3點，呢D鐘數原來好多日本阿太黎傾計頜飲野架！