2016年12月18日 星期日

「無重感」多功能於一機 Electrolux三合一無線除蟎吸塵機

香港空氣質素越來越差,家住港島區又近大馬路,已經眼見工人姐姐日日勤力打掃,灰塵仍是無處不在!

現在babyjuju 9個月,學爬學行四圍走,唔想佢成為人肉吸塵機,唯有成家人一齊做好清潔功夫,減低細菌致敏原,等佢可以盡情探索世界﹗

屋企本身有部大牛龜空氣汙吸塵機,不過我實在怕麻煩,開機前要上喉拉線做一大餐工夫,所以大機就工人姐姐用,而我自己就獨愛輕巧式吸塵機,一見毛髮、灰塵、餅碎即吸,乎合現代人快靚正原則!

Electrolux剛剛係上個月 (2016年10月中) 推出左 Ergorapido 3合1無線塵蟎吸塵機,呢部機無論外型設計、功能、配件都好合乎現代家居所需,而且佢仲有D功能設計都好細心,稱得上一機多功能羸哂﹗
 
天生係挑剔奄尖鬼,凡事都做哂research分析至行動,以前二人世界,鐘意買就買,屋企點都有地方放得落,而家多左個小豆丁,需要比多D空間佢玩,買咩都要諗下放邊,好彩Electrolux Ergorapido 3合1無線塵蟎吸塵機機身細細又輕巧,放埋一邊完全唔覺眼呀﹗
 
先黎個close up!
Electrolux Ergorapido 3合1無線塵蟎吸塵機外型真係一百分,白色襯上淺玫瑰金,一望又有modern grand感覺,好易襯屋企既傢俬。
一機分三部份,中間呢個就係主機,可以隨時拆出黎當手提式吸塵機,拎去吸車都唔錯喎﹗
 
 

我平時吸得最多就係毛髮,Ergorapido爬頭既滾輪設計同其他吸塵唔同,長嘅毛髮會捲係毛刷上,只要腳踏5秒,就可以切斷纏繞既毛髮並捲入集塵箱,而且清下毛刷就可以繼續吸,真係非常方便。
 

我最欣賞Electrolux Ergorapido 3合1無線塵蟎吸塵機附上白色長方形嘅 「BedPro Power 電動渦輪吸扒」,即係用黎吸床用,BB好易有濕疹、敏感、哮喘,要減少致敏源,呢個塵蟎機絕對幫到手!

BedPro Power 電動渦輪吸扒,內置 UV 紫外燈,殺死塵蟎細菌後,一次過吸走頭髮、塵蟎、塵蟎排泄物等致敏源,為家人做到雙重保護!
 
跟機配件及吸咀都好齊全,特長延長軟喉、特長窄縫吸嘴、窄縫吸嘴傢俱及吸嘴小毛刷,深入清潔家居,每個角落都輕易清理。
 
不時BabyJuju最鐘意响Playmat度玩,但Playmat上凹凸不平,好易藏污垢,要用吸塵機先吸再抺先乾淨。

今日工人姐姐放假,趁BB瞓左,輪到我做家務喇,Electrolux Ergorapido 3合1無線塵蟎吸塵機比我想像中輕巧同寧靜,平均施力只有500g,單手用一D都無問題,,爬頭180度轉得超𣈱順,窿窿那那一樣無問題,做家務都變成樂事啦!
 
開機時拖頭上有 3盞燈,就算係暗角嘅灰塵都一樣睇得一清二楚,好貼心嘅設計,越用越覺得呢部機好正!
 
最後一點我都幾concern就係手提式吸塵機夠唔夠力同差幾耐電先用到,經過一輪research,Electrolux Ergorapido 3合1無線塵蟎吸塵機18V鋰電池提供長達45分鐘續航時間,充電時間只需4小時,比較起D字牌仲耐用夠力,係現時市面上no 1嘅電池容量!

新款仲有多式選擇,點都襯到窩居啦!
下次再分享試用Electrolux Ergorapido BedPro Power的效果,我每次拍打完先知我每日同咁多塵暪一齊瞓,想BB健康,大家一定要留意呀!


Ergorapido 三合一無線吸塵機
售價:
FabricPro Power (ZB3230P) $3698
Bed Pro Power (ZB3233B) $3998
查詢:大昌貿易行有限公司 (22621621)


☆Ⓣⓗⓐⓝⓚ Ⓨⓞⓤ☆
歡迎邀約合作試用、出席活動

♥SmallerYip's little things♥
Mail : smalleryip@hotmail.com
Facebook: 
www.facebook.com/smalleryipyip

★ theZtyle
iTrial.hk ★She.com
Fashion& Beauty
Qooza ★uBeauty
beautyexchange ★Ellehk


是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

 

沒有留言:

張貼留言