火山燒 串燒都有放題?

平時約朋友如果想坐耐D都會揀打邊爐或者食串燒，因為可以坐得夠耐，唔洗比人趕，之不過，串燒都幾貴下，幾十蚊逐條計加埋酒水唔平又食唔飽!

今次係3人gathering，吹水王朋友介紹呢間火山燒食串燒，話唔洗四百蚊包我飲飽食醉喎！

7點上到去，冇乜人，見到大大幅壁畫好有氣勢，仲有魚缶做下裝飾，全店黑色潢裝。

一坐底見吹水王係咁剔，噢原來呢度係食放題同自己燒！

唔埋咁多，點海鮮燒下，有蠔、青口、魷魚等。D蠔都幾大隻下！

串燒點少得牛柳粒、雞翼呢，食肉獸朋友喪點，肉類有十幾款選擇。

串燒必食！腸仔合盛！款式好多，牛仔腸好正!

再黎round蔬菜盛合!

要等串燒時候，order左個海鮮火鍋食住先，湯底都幾甜。


終於開爐，個staff介紹火山燒個爐內裏係富士山岩燒石，亦即由熔岩冷卻而成既石頭，加熱後溫度有成370度，因為無火，唔易燒焦。

本身D串燒係無咩放調味，我地要用呢D蜜糖汁調味。

 

必食推介﹕牛仔腸、大蔥雞串、芝士年糕，牛仔粒、多春魚。

諗住放題一定坐得唔舒服啦，嗯, 呢度D位都落濶落喎，一D都唔似日式放題，呢度感覺high少少。

每人夾左350蚊仲連任飲支裝涼茶，真係抵得黎D食物質素都OK!
好似佢地Facebook有D優惠。