天后外賣小店 名人榜

銀幕街角落頭個位吉左好耐，最近呢個位終於有人頂手，開左間叫"名人榜"。
佢呢個位好細，只可以做外賣生意，天后旺串燒、小食店，最啱細店用生意。
 
今日LUNCH行過，眼見都有幾個客等緊外賣，好奇之下今日就試下你啦。
佢地有中午有4款選擇，食既都係簡單野，如煎扒飯，入面三個後生老闆/員工忙住煮食，我就叫左個芝士肉醬煎蛋飯。

 

呢個飯盒36蚊，見住佢煎蛋同煮汁，番到公司之開盒，見到隻太陽蛋仲動L緊，仲有小甘荀附送，呢間小店都幾心喎﹗

 
好耐無食過肉醬加蛋汁，味道正常啦，無咩味精，感覺好似番到中學時代。